Мо тугай вучымо календарь?
Тиде тугай календарь, кушто кажне кечылан, мутлан, 1 гыч 30 декабрь марте, могай-гынат йодыш возалтеш да тушто мом шӱдымым ыштыман. Серышым кугурак-влак возат. Ондак икшывын шкенжым кузе кучымым, ача-аван мутшым колыштмым палемдат, вара мом ышташ кӱлмӧ нерген возат. Мутлан, пӧртым ӱшташ, книгам лудаш, лумым эрыкташ да молат. «Йӱштӧ Кугыза» деч серышым почта яшлыкыш пышташ лиеш. Эрдене але кастене йоча тудым налын пура да мом тушто шӱдымым ышта. А йӱдым «Йӱштӧ Кугыза» изирак пӧлекым пыштен кода, мутлан, шоколадым, модышым да тулеч молым.
Молан ме тидым ыштена?
Тыгеракын, йоча У ий марте мыняр кече кодмым шотлаш тӱҥалеш. Кажне кечын серышыште кӱштымым ыштен, кумылжо нӧлталалтеш, изин-кугун У ий касым, эн тӱҥ пӧлекым вучаш тӱҥалеш. Тыге ме тудым пӧрт кокласе сомылым ышташ да ава-ачалан полышкалаш туныктена.