Кактус - экзотика кушкыл

Кактус кошар имыже-влак дене лӱдыкта гынат, тудын моторлыкшо шкешотан, ойыртемалтше. Арамлан огыл кактусым пӧлемыш але окнаш оҥай декоративный пеледыш семын шындат. 

Кактус - путырак оҥай кушкыл. Тудо «суккулент-влак» тӱшкаш пура. Лышташыже олмеш - вичкыж име-влак. Кактус «кап-кылыштыже» вӱдыжгым пога, садлан ятыр жап вӱд деч посна илен кертеш. А имыже-влак испарений деч аралат.

Пӱртӱсыштӧ кактус Кечывалвел да Йӱдвел Америкыште шарлен, Африкысе пустыньышто, Шри-Ланка ден Мадагаскарыштат вашлиялтеш. Тӱняште чылаже 1750 наре тӱрлӧ кактус шотлалтеш. Тиде кушкыл окна ончылно идалык мучко ужарген шога, шинчам куандара, а эше пӧлемым уда энергетика деч эрыкта. А пеледеш гын, путырак моторын. Саскаже икмыняр шагат шога але кок-кум кече ила. Мут толмашеш, кактус пеледме тат илышыште сайым сӧра. 

Кактус кечан, волгыдо верым йӧрата. Тудо шокшо пустыньышто илаш шукертак йӧным муын, садлан тиде оҥай кушкылыш вӱдым чӱчкыдын шавыме ок кӱл.