Ресторан кочкыш

Интернетыште тӱрлӧ лаштыкым «пургед» шинчымеке, «Духовкеш йошкар арака дене кӱктымӧ сӧсна шыл» рецепт шинчамлан перныш, пеш тамлыла чучо, эсогыл шӱвылвӱдемат йоген кайыш. Мом налшашым рашемдышымат, кугу пакетым сакалтен, кевытыш ошкыльым. 

Шылым налшаш уке - ял гыч колтеныт, а теве йошкар аракам шергаканракшым ойырышым. Шерге гын, эн сай дыр, шоналтышым. 

 «Пӧръеҥ чоныш корно пагар гоч шуйна» манмым чылан палат. Кочкышем тутло лийже манын, ондак ик чаркаш йошкар аракам темалтен, тамжым нальым. Вара веле пашалан пижым. Шылым моторын пӱчкедышым, шоганым… Помыжалт кайышым гын, уже кленчамат ястарем. Теве тыланет ресторан кочкыш, пурса шӱремак тамле лийже.