Кӱлеш: 300 г кабачок, 2 муно, 1 але пел стакан шӧр, 150 г ложаш, ужар укроп але петрушка, 2 кугу совла кушкыл ӱй, тамжылан специй, 1 изи совла шинчал. Соуслан: 250 мл ӱмбал, 2-3 пӱй чеснок, ужар укроп.
Кабачокым тыгыде тӧркӧ гоч нӱжыман (блендер денат тыгыдемдаш лиеш). Ужар укропым але петрушкым тыгыдын пӱчкедыман. Муно ден шинчалым венчик дене лугыман. Тышке шӧрым ешарыман да чыла сайын пудыратыман. Тышкак ложашым шавалтыман, уэш лугалтыман. Вужга руашым нӱжымӧ кабачок дек опталман. Тыгыдемдыме петрушкым да кок совла ӱйым пыштыман. Чыла сайын пудыратыман. Руашыште ӱй уло, садлан мелнам салмаш ӱйым ешарыдеак кӱкташ лиеш.
Кабачок гыч мелна ӱмбал ден чеснок соус дене поснак тамле. Тудым ямдылаш 250 мл ӱмбал ден тыгыдемдыме чеснокым, ужар укропым пырля йӧрыман.