Лимонан да апельсинан пирожный

Ырыктыме шӧрыш дрожа ден сакырым пыштен, сайын гына лугыман. Пушкыдемше ӱйым ложаш дене ушен, тыгыде пудырго лиймеш йӧркалыман. Тудым шӧр дене пырля ушен, шинчалым ешарен, изишак пушкыдо руаш гай лугалтыман. Руашым 30 минутлан йӱштӧ верыш пыштыман. 

Фруктым мушкын, тушыжым луктын, изирак ужашлан пӱчкедыман. Цедрыж дене пырля масорубко гоч колтыман. Сакырым да манный шӱрашым ешарен, сайын лугыман. Шӱраш оварымеш, 10 минутлан кодыман. Руашым кум ужашлан пайлыман. Кажныжым 5-7 мм кӱжгытан лончо гай шарыман. Формыш икымше слойжым пыштыман. Ӱмбакыже кӧргылан ямдылыме апельсин ден лимон вартышым иктӧр оптыман. Тудым кокымшо слой вичкыж руаш дене леведман. Уэш кӧргым пыштыман. Чыла тӧр лийже манын, совла дене шымартыман. Ӱмбакыже - пытартыш слой вичкыж руаш. Когыльышто кӱзӧ але шпажка дене икмыняр вере изи рожым ыштыман. Цитрус когыльым 30 - 40 минутлан духовкеш вераҥдыман. Лимон да апельсин кӧрган тутло пирожный ямде!