Кӧргыжлан шоганым, тыгыдемден, пушкыдеммешкыже, изи тулеш салмаш жаритлыман. Чыве шылым да пареҥгым изи кубикла пӱчкедыман. Ужар шоганымат тыгыдемдыман. Мискыште шылым, ужар шоганым, пареҥгым, йӱкшышӧ шоганым, пурысым, чыла ушен, сайын пудыратыман.
Руашлан кугу атеш майонезым, кефирым, шинчалым, муным пырля йӧрыман. Тушко эркын ложашым пыштыман. Руаш мелналан лугымо гайрак лийшаш. Чывыштыш содым ешарыман да уэш сайын пудыратыман. Кӱэштме формын кӧргыжым кушкыл ӱй дене йыгалтыман. Тушко изишак, пундашыжым петырымеш, руашым опталман. Вара когыльо кӧргылан ямдылыме вартышым пыштыман, шымартен тӧрлатыман. Ӱмбакыже кодшо руашым опталман. 35-45 минутлан 180-200 градус марте ырыктыме духовкыш кӱкташ шындыман. Когыльын ямде улмыжым шырпе дене тергаш лиеш.