Вучена пиалым тый дечет, у идалык!

У ий - калыкын ик эн вучымо, жаплыме пайремже. Молан тудо поснак йӧратыме пайремыш савырнен? Эртыше идалык лудшына-влаклан мо дене шарнаш кодын? Йӱштӧ Коча деч пӧлек шотеш мом йодыт? У ий водын пайрем суртышто мо эн тӱҥжӧ? У идалык деч мом вучат?

Н. ПАШКИНА, «РН-Ремонт НПО» ООО-н качество шотышто инженерже, Нефтекамск ола:

«Эртыше идалыкыште мыйым пагален толшо родо-шочшем да лишыл йолташем-влак дене погынен, пеш веселан да чаплын юбилей пайремемым эртарен колтышна. Шушаш ийыште элнан ямле верыштыже, Шем теҥыз воктене, каналтен толаш кумыл уло. У ий пайрем дене пырля мемнан илышыш у илыш, у шӱлыш, у шонымаш-влак толыт. Ме ятыр ий годсек пайрем ӱстелыш у идалыкын символжым шындена. Тудо вара суртысо кож воктене шке вержым муэш. У ийым вашлийме годым суртышто мылам эн тӱҥжӧ - ешем да татулык. У идалыкыште чылалан таза-эсен лияш да яндар кавам тыланем».

О. ИБАТОВА, туныктышо, Мишкан район Тынбай ял:

«Идалык мучаште ий мучко ыштыме паша иктешлалтеш, ончыкылыклан у план ышталтеш. Коронавирус черлан кӧра 2020 ий туныктымо пашаште кугу нелылыкым луктын. Дистанционный туныктымашым пуртымо. У идалыкыште сай вашталтышым пӱрыжӧ. Тек школышто туныктымо йӧн ынже пыте, коронавирус чер шеҥгелан кодшо. Мыйын шонымаште, У ий пайремым кажне айдеме вуча. Сай илышлан ӱшан шочеш, да тудым илышыш шыҥдараш тыршена.

Кажне ешын У ийым пайремлыме йӱлаже уло. Ме У ийым уло родо-шочшо дене чумырген пайремлена, келшыше кочкышым ямдылена. Ӱстел йыр погынен шинчын, У ий тыланымашым ойлена. Йӱштӧ Коча деч пӧлек шотеш кажне ийын пеҥгыде тазалыкым, еш пиалым, тыныслыкым йодам. Суртышто У ий пайремын тӱҥ озаже - сылне кож. Икшывем-влак дене пырля тудым сӧрастарымашат поро йӱлаш савырнен. Тек шушаш ийыште чыла ешыште келшымаш да умылымаш озаланат. Авана, шочшына, пелашна, икшывына-влак таза лийышт».

К. КУБАЕВА, культ-организатор, Калтаса район Савакмарий ял:

«Шуко нелылыкым конден тиде ий. Ятыр вучыдымо-шоныдымо тат-влак вашлиялтыныт. Но сайжат уло: воктенем йӧратыме да йӧратыше еҥем-влак таза-эсен улыт, кечын могай дыр у йӧн лектеш. Тидыжлан кайыше ийлан пеш кугу тау! У ий изиэм годсек йомак, юзо вий гай чучеш. Шӱм-чон у вийым, у йӧным ӱшанен вуча. Пайрем йӱла моло ешын гаяк, шонем: У ийым пырля погынен, порын, волгыдын вашлияш. Кажнылан йӧратыме сийжым ямдылаш тыршена. Пеҥгыде тазалыкым чылаланат! Коронавирус кайыже, пандемий пытыже. Пиалым, порылыкым тыланем.

Шушаш идалыкыште еш дене теҥыз воктек, Абхазийыш миен толмо шуэш.

Илыш тыныс, волгыдо, тыматле лийже!»

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».