-28 °С
Пылан
Все новости
Каналтыме годым
21 теле 2020, 16:35
Эдылбика кокайын мурыжо-влак
Шукерте огыл Эдылбика Константиновна Султангареевам пытартыш корныш ужатышна. Ӱмаште Эдылбика кокай дене мутланен шинчыме годым тудо мыланем пеш шуко такмакшым муралтыш. Нуным ынде шарнен илаш веле кодеш. Шаран район марий-влакын диалектышт денак возен коденам, нимом вашталтен омыл.Г. АХМЕТШИНА. Акпарс ял, Шаран район.
Арамашке волен шым шу:
Ломбо воштыр лупшале.
Изи вуйна кушкын ыш шу:
Герман согыш тӱҥале.
Куку мура манам ыле,
Шӱшпык шӱшкен маш тудо.
Кече эрта манам ыле,
Ӱмыр эртен маш тудо.
Эрат гына кынелын, шӱргетым муш,
Вуетымат шераш ит мондо.
Сурт кӧргыштӧ мо кӓл лиеш гынат,
Эл ӱмбаке лектын ит ойло.
Тиде ӱмырым эрта маныт,
Эртымыжым ужшаш ыле.
Эртен кайыме корнышкыжо
Капканым шындышаш ыле.
Ош чывигем кыт-кыт мане:
Ала вараш тольо адак.
Омса кылам шылдырт мане,
Ала шочшем тольо адак.
Куштымо годым куштышым
Шоло пушеҥге гане.
Кушкычат, чоҥештен кайышт
Шырчык игыже гане.
Карамал-лай вӱд воктен арамаште
Шаланыше мӱкшым погышым.
Киндымат-лай кышкен,
лашкам (шӱрым) шолтен,
Шке шочшеем-влакым вучышым.
Саре сатин тувыремым
Мушкамат, чийыде шогем.
Вӱдлан волен, вӱдым налде,
Тендам шоналтен шогем.
Шокто, эргым, гармонетым,
Сербиянке кӱетым,
Сербиянке кӱет дене
Куштыкто авиетым.
Шокто, эргым, гармонетым,
Изуремыш шоктыжо.
Изуремысе йолташетын
Изи шӱмжӧ йӱлыжӧ.
Гармонист гармоньым шокта,
Лу парняжым модыкта.
Лу парняжым модыкта -
Койышыжым ончыкта.
Омса гыч пурымышт-влак,
«Сай улыда!» манмышт-влак.
Кызытат шинча ончылнем
Гармонь шоктымышт-влак.
Читайте нас в
«Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».