Чыве куш йомын?

Айдеме илышыште иктаж нелылыкым вашлиеш гын, амалжым шкеж дене ок кылде, а ӧрдыжтӧ кычалаш тӱҥалеш. Айдемын чонжо, шонымашыже туге чоҥалтын докан. «Мемнан дене тыгай томаша лие, - каласкалаш тӱҥале Качук кокай. - Пелашем дене илаш веле тӱҥалынна ыле. Иленна сайын, тыныс. Южгунам шургенна гынат, вес кечыжлан чыла мондалтын. Пиалан лийынна. Вӱтана ыле, сӧснам, шорыкым, чывым ашненна. А сӧснам телымат онченна. Сӧснан межше уке, садлан телылан шокшырак верыш петыраш тыршенна. Тыгайже - чыве шичме вер. Чыве манына гынат, ушыжо пӱтынек уке огыл, шканже кӧра ситыше. Тудат шокшо верым йӧрата. Латвич чывына ыле. Южгунам телымат мунченыт.