Сӱан такмак-влак

СӰАН ТАРВАТЫМЕ ГОДЫМ МУРЫМОМемнан вӱд воктене эҥыж уҥа.Тендан вӱд воктене мо уҥа?Мо уҥа гынат, те погеда.Кинде-шӧнчал пуйырен, ме толна.

Емыжше кӱын, ме погена.
Кӱын шудегеч, тамже уке.
Шочшем ӱжылден, толаш тӧчышна,
Ме толдегече, шонышна, ямже уке.

Олым шӱвырым шоктена,
Калай ведрам кырена.
Шольо ӱдырым налме годым
Кугу сӱаным ыштена.

Шольо изи улмыж годым
Шыпка воктен шинченам.
Шольо воктен шинченам да
Сӱанлан мияш шоненам.

Шольына сӱанлан ӱжылдышат,
Поро вургемнам чийышна.
Поро вургемнам чиялалын,
Поро мурынам мурышна.

Орвашке шинчат, шыр шокта.
Терышке шинчат, шый шокта.
Сӱанлан шогалше вате-влак
Муралтен колтат, рыз шокта.

КАРТ ВАТЫЛАН

Карт вате, карт вате
Ката нерже кадырген-кудырген.
Ката нержым ончен-ончен,
Шке нержат кадырген-кудырген.

ЭРГЫН АЧА-АВАЖЫМ МОКТЫМО МУРО

Ош пӧртдажын шолап йымалныже
Ош кӧгӧрчен игым луктылден.
Ош кӧгӧрчен гае игым кушталын,
Тачысе кечын калыкым модыктет.

Пӧртӧнчыл-лай воктене кугу тумо,
Кугу тумо йымалне ош куэ.
Ош куэжын парчаже ме улына,
Кугу тумо, ачаем, те улыда.

Шке гына ошо, шке пушкыдо
Тасма гына тувыр огыл мо.
Шке гына поро, йылмыже пушкыдо
Шкенанат авана огыл мо.

Ӱмбаланет чиялме ош тувырет,
Урвалтыже шӱдырна мландеш.
Шӱдырналеш гынат, ок лавырге,
Уҥганлыкет шаланен элышке.

Аркаштыже икте, лопыштыжо коктыт,
Шочылденат кушкылден олмапу.
Шӱдыланат икте, тӱжемлан коктыт
Шочылденат кушкылден шольына.

Вуешет пидме ош ялукет
Таче лумын кайыше лум гае.
Пурла гына шӱргет, шола шӱргет
Корно воктен кушшо мӧр гае.

Метр дене висаш порсын отыл,
Мускал дене вискалаш ший отыл.
Мускалешат вискалаш, ай, ший отыл,
Нӧлтын толшо кече деч кӓм отыл.

Олыкышто саска пешат шуко.
Йӧраталме саскамже оҥгырвуй.
Элыште шочшем пешат шуко.
Йӧраталме шочшем те улыда.

Изображение jacqueline macou с сайта Pixabay

Читайте нас в

«Чолман». Республиканская общественно-политическая газета на марийском языке. Издается с 24 апреля 1991 г.

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».