«Тек изи ӱдыр-влак эре сӧрал лийыт...»

Тудо кеч-могай тӱсан фетрым, фоамираным, репс але атлас лентым эн шагалже ик, эн шукыжо кум шагатыште сылне пеледышыш але прическым сӧрастарыше мотор арверыш савыра. Нуным пижыктен, йочасадыш але школыш коштшо изи ӱдыр-влак йомакысе курчакла койыт. Декоративный материал гыч сылне аксессуар-влакым ямдылымаш Туймаза олаште илыше Любовь ЧАНКАЕВАН (МИНЛИГАЛИНАН) йӧратыме да чон йодмо сомылыш савырнен.

«Ончыч топиарийым ыштылынам. Кызыт изи ӱдыр-влаклан ӱпым сӧрастараш пеледыш сынан резинке, заколко, ободокым ямдылем. Мылам ныл ияш Софья ӱдыремлан эксклюзив шӱлышан арвер-влакым ямдылаш моткоч келша.

Моторлыкым шижын мошташ йоча-влакым изинек шӱмаҥдыман. Йочасадыш погынымыж годым ӱдырем кажне эрдене могай прическым ышташ, могай бантикым пижыктен каяш шке ойыра. А нунышт тудын шуко, тӱрлӧ-тӱрлӧ погыненыт», - каласкала Любовь.

Йӧратыме хобби дене заниматлыме годым тӱҥжӧ - жап да кумылет лийышт. Материалым, идейым, кузе ышташ технологийым кызытсе илышыште кевытыште, Интернетыште кычал муаш неле огыл. Жапым йӧратыме сомылжылан Люба паша деч вара але каныш кечын ойыраш тырша. Тудо оласе ик аптека сетьыште фармацевтлан ышта. Тидлан ондак Туймаза медицина колледжыште «лечебное дело», вара Набережные Челны оласе медфармколледжыште «фармация» пӧлкаште тунемын. А творческий шӱлышан кумылжо шочмо-кушмо вер-шӧржӧ, Шаран район Пекшаул ял гычак тӱҥалтышым налеш, очыни.

Любан мутшо гыч, сылне арвер-влакым ыштылаш чонышто сай кумыл озаланыме годым шичман. Тунам веле шкалан да молылан куаным кондышо паша-влак шочыт. Яра жапыште Любовь изи ӱдыр-влаклан школыш кошташ бантикым, Сеҥымаш кечылан брошкым, йочасадыште утренниклан короным да моло аксессуарым ыштылеш. «Фоамиран гыч ямдылыме арвер-влак практичный улыт. Формым кучат, упш йымалнат нимо огыт лий», - ойла тудо.

Пашаже-влак, чынжымак, моткоч сӧрал улыт. Шыргыжше кече гай шӧршудым, ковыра георгиным, йошкар розым ушештарыше заколко, резинке, ободок, сӱанлан аксессуар-влак кажне тыглай кечым ямле пайремыш савырат. Арамлан огыл палымыже-влак нуным Люба деч Шочмо кечылан, Ӱдырамаш пайремлан пӧлек набор семынат ыштен пуаш йодыт. Люба кажныжын кумылжым шукташак тырша.

Читайте нас:

Новости партнеров

Владимир Путин поздравил жителей Башкирии и её столицы с 450-летием Уфы

Владимир Путин менән Радий Хәбиров эш осрашыуы үткәрҙе

"Спорт - милләтара диалог һәм тынычлыкны ныгыту коралы"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».