-4 °С
Пылан
Все новости
Каналтыме годым
14 Сӱрем 2020, 13:35
ТАКМАК-ВЛАК
Чодыра воктен полан саска Ошын койын пеледеш.Мемнан йолташ йомарт улеш,Ончалеш да воштылеш.
Кайыме годым каяш кӱлеш,
Ужар шудыжым тошкен.
Коштмо годым кошташ кӱлеш,
Уш-акыланжым сайлен.
Кугорнышто машинаже
Тозан лукде ок кае.
Мемнан йолташ - музиканче,
Мурыде шоктен ок шинче.
Йылдыр-ялдыр вӱд йогалеш,
Йогалеш вет, ом нал вет.
Ай, йолташем, тылат верчын
Йотшо дене шым кай вет.
Йылдыртатен йогышо вӱдшӧ
Шошымлан румбыкалтеш.
Йӧратыме йолташемжат
Илен-толын мондалтеш.
Тыдыжым тыге ыштена,
Тудыжым туге ыштена.
Ӱмырнаже эртале вет,
Тудыжым кузе ыштена?
Мурен колтем эсмаса,
Шӱшкен колтем эсмаса.
Кӧргӧ ойгем шаланыже,
Куштен колтем эсмаса.
Куэм руэм, куэм руэм.
Куэм пасмалан пыштем.
Куэ пасмаш мушкаш волем,
Ойгемым вӱдыш шолем.
Курык воктен оҥгырвуй
саскам
Кӱрлын налаш чаманышым.
Ай, йолташем, мые тыйым
Йотлан кодаш чаманышым.
Олыкышто мом кычалат,
Мӧр кӱын огыл кызыт.
Кудалтен манын ит шоно,
Кудалтен омыл кызыт.
Ош ялукем ошо огыл,
Мушшаш кече таче огыл.
Кунам-гынат пырля лийына,
Но кечыже пале огыл.
Айда, йолташ, лапкыш каена,
Виноградым налына.
Виноград гай тамле мутнам
Кушан шинчын ойлена.
Сар ялукым пидам ыле,
Сар ялук саргайтара.
Сар ялуклан кайлам ыштем,
Йолташем сагындара.
Йӱр йӱреш вет, витара вет,
Мыжерым чием гынат.
Уке вет мыйын шулдырем,
Мыняр сагынем гынат.
Мурем гынат, шӱшкем гынат,
Сар шӱшпык ом лий ынде.
Йӱд омем ден ужам гынат,
Эн пырля ом лий ынде.
Йӱржат йӱреш,
лумжат лумеш,
Алда пӧртвуйна калай.
Изижат ойла, кугужат ойла,
Алда шӱм-чонна чыта.
Музиканлан шӱштӧ кылым
Чылдар гай чылдартена.
Шкенжым ужмо гае лийже,
Семже ден такмаклена.
Алжым ал ышташ лиеш,
Гӱлжым гӱл ышташ лиеш.
Тошто досым шӱкал коден,
У досым ышташ лиеш.
Йылдыртатен йогышо вӱдшӧ
Румбыкалте вет ынде.
Йӧраталме йолташ дечын
Ойырлалте вет ынде.
Изображение Maciej Szewczyk с сайта Pixabay
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».