Интерьерым сӧрастарыше курчакым урга

Кызытсе илышыште яра жапыште шкалан кумылым нӧлталаш, шӱм-чоным куандараш келшыше хоббим ятыр муаш лиеш. Сӧрал арверым шке кид дене ыштен моштет гын, эшеат куанлырак. Теве Мишкан район Тымбай ялын шочшыжо Снежана ИБАШЕВА шкаланже шукертак йӧратыме кидпашам муын.

Тудо интерьерный курчак-влакым ыштылеш. Мотор курчак-влак суртышкыжо икана унала толыныт да «илашак кодыныт». Курчак-влак нуным ургышо озажым да ешыжым веле огыл, ялысе калыкымат куандарат. «Интерьерный курчак-влакым ургаш шукертак шӱмаҥынам. Тиде паша йӧратыме сомылыш савырнен. Тыгай курчак-влакым кузе ыштышашым интернетыште шуко онченам. Нуно мылам моткоч келшышт. Нуным кузе ургаш, могай материалым кучылташ кӱлмӧ нерген ятыр видеом шымлышым. Ыштен ончалаш кумылем лекте. Выкройкым муым, материалым нальым да пашалан пижым. Интернет йӧн дене йолчиемым, ӱпым заказатлышым», - каласкала Снежана. Интерьерный курчак-влакым кидпашалан уста самырык ӱдырамаш шке ешыжлан веле огыл, родо-шочшыжланат урга. Ялыште илыше изи ӱдыр-влакланат пӧлеклымыже уло. «Нуно йодыт да нигузе отказатлаш ок лий…» - шыргыжал вашештыш марий кидмастар Снежана Ибашева.

Чын, йырысе илышыште сылнылыкым ужын моштышо айдеме шкенжынат, воктенсе илышым сӧрастарашат йӧным да жапым эре муэш.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».