Все новости
Каналтыме годым
15 Ага 2020, 18:01

50-70-ше ийласе такмак-влак

Тиде такмак-влакым мыйын авам, Татьяна Ахмадиева (1929-2013), самырыкше годым поген. Мый шондыкышто кийыше тетрадьше гыч налынам. Можыч, иктаж-кӧлан кӱлеш лиеш. Тек мурат…

Ош ялукемын чокыжо
Тореш вочшыжат уло.
Она ойырло, йолташем,
Йолко маншыжат уло.
Кожла гӱжла, кожла гӱжла,
Кожлаште куку мура.
Мемнан изи шӱмышкына
Тӱрлӧ шонымаш пура.
Ош ончылсакышетым
Пар дене кудыртена.
Ямле Качмаш элыштыже
Шӱшпык лийын коштына.
Кӧкыш воктен ужар шудым
Имне йӧратен кочкеш.
Ай, йолташем, изи чонем
Тыйым йӧратен коштеш.
Мо ош ялук, мо шем ялук?
Ок йӧрӧ мо пашалан.
Мо изаже, мо шольыжо,
Ок йӧрӧ мо кошташлан.
Танып воктен ужар шудет,
Солен сӱмырымем шуэш.
Арбан-Ушмен эргышт-влакым
Совен сӱмырымем шуэш.
Читайте нас в