+13 °С
Пылан
Все новости
Каналтыме годым
7 Ага 2020, 17:35
Авамын мурыжо-влак
Мыйын авам, Наталья Александровна Алкаева, Нерге ялеш шочын-кушкын, Пекшек ялыште илен. Ачам ден пырля кандаш икшывым куштеныт. Коктынат колхозышто тыршеныт. Яра жап лийме годым авам мураш пеш йӧратен. Суртышто икшывыже-влак погынымо годым тамле сийым ямдылен да куанымыж дене муро-влакым муралтен. Авам ош тӱня дене шукертак чеверласен, но тудын мурышт-влакым ме, икшывыже-влак, погынымына годым, аванам шарналтен, муралтен шинчена.
Тенданат-лай пурада пешат тамле,
Пӧртыламат, суртыштем шолталам.
Ялдат гына кугу, калыкдат поро
Мияламат, элыштем ойлалам.
***
Локама-лай саскада - чевер саска
Изиш кайызат, савырнен ончалза.
Ӱстел гына ӱмбалсе сий-кӧрматшым
Кочса-йӱзат, муралтен шинчыза.
***
Ший-лай гына самоварем лийже ыле-ла,
Чайже гына шолын шинчыже ыле шол.
Ший сам(о)вар ден чайжымат йӱмыда годым
Мыйымат-лай шарналтен ойлалза.
***
Ош Виче-лай гочын пасмам пыштышым,
Эр кынелын, вӱдлан волалаш.
Ты гына-лай мурым тыланда мурем,
Сагынымыда годым муралташ.
Шаде гочат пасмажым мый пыштальым
Шем шоптырым легылден погалаш.
Шем шоптырым поген, атем ыш тем,
Родо-шочшым ужын шер ыш тем.
***
Шаде гына воктен лоп мланде
Алашамын йолжымат нумалеш шол.
Айста гына, шочшо-влак, муралтен шинчена,
Муро мемнан кумылнам нӧлталеш.
***
Пакчаемым пытарен куралам ыле
Милой тор алаша(е)м лиеш гын шол.
Игем-влакым ийынат ужам иле,
Кок киде(е)м шулдыр лай лиеш гын.
***
Эр кечыже нӧлтеш ай, ший гае,
Миенат лай шинчеш ай, той гае.
Мемнанат-лай ӱмырна эртен кая
Кушыч кайыше лыйга-ла пыл гае.
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».