Ӱмыраш тушман деч утлыш

Шошо. Пакчам шындыме пагыт толын шуо. Мландым курал пышталтынат, йыраҥ корно-влакым ыштылам, кушан мом ӱдаш, шындаш шонкалем. Ончем, мемнан шоҥго «йыгыт» пырысна колям кученат, мыйын могырыш толеш.

Кодшо йӱдым малаш возынам гына ыле, ала мален колтенам, ала уке, мыйын шӱргӧ ӱмбач коля кудал колтыш. Мыйын вий вий мо адак тудо? Туге лупшал колтышым, коля кушко дыр чоҥештыш, а воктенем саде шоҥго, мыйын гаяк пенсий ийготан коя пырыс пӱтырналт возынат, мырлен мален кия.

Эрдене ончем, пӧрт покшелне саде коля нушкеш, очыни, пеш чот эмганен. Кыскыс дене кучен, мушкылтышвӱд ведраш намиен кудалтышым. Мыйым оролыдымыжлан пырыслан чотак логале - вурсышым дык вурсышым.

Кодшо йӱдымсӧ экшыкым тӧрлаш шонен, мый але суртышто кӱлам маншыла, пырыс мылам колям ончыктынеже лийын дыр. Коляжым мландыш пыштышат, шоҥгет модаш веле пиже. Ик пагыт гыч коля йомо - ик квадрат метр кумдыкышто пуйто порволыш. Пырыс мыйым онча, мый - тудым. Ныл шинча дене ончен, колям йомдарышна.

Трукышто мо тугай лийын кайыш? Мыйын йолаш эҥыраш йымалне мо дыр мыйын йолмӱшкыреш пижын кӱза. Караул! Тугудештак йол коклаштат лие. Мый, йолашемым армийысе деч кум пачаш писынрак кудаш кудалтен, почкаш тӱҥальым, но тушеч нимат лектын ыш воч. Ой-ой-ой, сур хулиганет трусик йымакат шуыныс! Ындыже кузе лияшат ом пале. Трусикым волташ веле тӱҥальым, коля, куралме мландымбак тӧршталтен, ындыжым йӧршешлан ала-кушко йомо. А мый пакча покшелне трусикем волташ тӧчен шогылтам, ала воштылаш, ала шорташ, ом пале.

Эх, илышыжат! Изи гына сур хулиган шкенжын ӱмыраш тушманжым да тудын озажым ондален керте да илыше кодо. Изи гынат, утлаш йӧным муо вет!

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».