+2 °С
Пылан

Чолман в ВК Telegram DZEN Сеҥымашлан - 80 ий

Все новости

Каналтыме годым

28 Пургыж 2020, 11:35

Такмак-влак

Куку мура ик верыште,Пыжашыже вес вере.Шочын-кушмашна ик верыште,Ӱмыр эрта вес вере.

Сар шӱшпык вӱдым йӱэш

Вӱдын келге верже гыч.

Керек-кӧнат кайымыже ок шу

Шочмо-кушмо элже гыч.

Мемнан урем - кумда урем,

Мучкыч мучко сар куэ.

Сар куэште куку мура,

Мемнан шинчавӱд йога.

Куку мура манына да,

Шӱшпык шӱшка огыл мо?

Кече эрта манына да,

Ӱмыр эрта огыл мо?

Куку мура раскалтен,

Кугу куэм тарватен.

Ит муро, куку, раскалтен,

Мемнан ойгым тарватен.

Йогын вӱд ден йоген толеш

Чокан-чокан кид солык.

Тиде солык чокан-чокан,

Мый - тыл(ы)зе, тый - чолпан.

Муралтена-шӱшкалтена,

Чодырам пырля лектына.

Чодырам пырля лектына гын,

Ӱмыреш пырля илена.

Куэ лӱжга, куэ лӱжга,

Куэ лӱжга гын, ямле.

Эй, йолташ-влак, мемнан деке

Те толыда гын, пеш ямле.

Муралтена мо вара,

Кушталтена мо вара?

Мемнан рвезе ӱмырна

Седыгак эрта мо вара?

(Пелашемын, Любовь Имашевна Галямшинан, мурымыжым 2004 ий 18 майыште возен налынам.)

Ар воктене кумда олык,

Олык мучко мӧр саска.

Мӧр йошкаргын кӱймӧ годым

Мемнан дек ужаш толза.

Сирень саска коклаште

Шӱшпык сылнын шӱшкалеш.

Шӱшпык сылнын

шӱшкымӧ годым

Тендам ужмем пеш шуэш.

Сар тувыр пешат келша

Сар саска-влак коклаште.

Мурет гынат, куштет гынат,

Келша йолташ-влак коклаште.

Ямле Танып серыште

Ломбо ошын пеледеш.

Тыгай сӧрал олыкышто

Авам ушешем возеш.

Ӱстел воктен, мотор койын,

Мемнан шешке шинчалеш.

Тудын ӱмбак, йӧраталын,

Мемнан шольо ончалеш.

Сар шӱшпыкшӧ, муралтен,

Мемнан чоным куандара.

Мемнан шешке, кушталтен,

Шӱм-кылнажым вургыжта.

Мыйын таҥем пеш йомарт,

Вичкыж тӱрван, шем ӱпан.

Мурен-мурен куштен колта,

Кӱварвалым лӱҥгыктен.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».