Все новости
Каналтыме годым
22 Сорла 2019, 14:48

Телылан тутло салат

Кӱлеш: 1 кг болгар пурыс, 1 кг помидор, 500 г кешыр, 1 кг вуй шоган, 120 мл кушкыл ӱй, 130 грамм сакыр, 1,5 кугу совла шинчал, 1 изи совла йоҥыштымо шем пурыс, 9 процентан 60 мл уксус.

Йошкар помидорым кандаш ужашлан, шоган ден болгар пурысым пел оҥго гай пӱчкедыман. Тӱрлӧ тӱсан пурысым кучылташ гын, салат эшеат сылнырак лиеш. Кешырым терко гоч нӱжыман. Тушко пурысым, шинчалым, сакырым, специйым шавалтыман. Тышкак лавр лышташым ешараш лиеш. Чыла сайын пудыратен, вартышыш кушкыл ӱйым ешарыман, изи тулеш шолташ шындыман. Тыге, пудыратыде, 30 минут шолтыман. Вара, салатыш уксусым ешарен, эше лу минут кӱктыман. Салатым шокшынек стерилизоватлыме банкылаш темкален, калай петыртыш дене петыркалыман.
Читайте нас в