Кӱзанӱштым монден?

Шочшыжо-влак дене чеверласен, поездыш ик марий ял гыч рвезе шинчын. Тушто моло калыкын салтакше-влакат лийыныт. Поезд тарванымек, марий рвезе «Эх, кайышым ынде, кайышым…» манын муралтен, шортын, кидшым рӱзен. Воктенже татар рвезе-влак шинченыт. Марий рвезын «кайышым» мутшым колытат, нуно, «Тиде марий мӧҥгыштыжӧ кӱзанӱштыжӧ киен кодмылан тынар шортеш?» манын, пеш ӧрыт. «Мемнан мӧҥгыштӧ самырык ватына, йочана-влак кодыч, а тудо кӱзанӱштылан верч тынар ойгыра, ужат? Тунарак жалке мо вара?» - ойлат шке коклаштышт.

Татарла «кайыш» мут кӱзанӱштӧ лиеш, а «кайышым» - кӱзанӱштем.