Ачажым туныктен

Кенета Дима гармоньым ужо да ачаж деч ячаш тӱҥале: «Шокто, шокто». Гармоньым ачаж ончык намиен шындышат, парням кузе темдалаш туныктыш. Йолым тып-топ тошкалаш шӱдыш.

Рвезе кочажын кузе шоктымым эре эскерен улмаш. Но ачажын сем огешак лек. «Йолетым чотрак тошкал, вара сем лектеш», - ойла эрге. Но тудын каҥашыже ок полшо. «Тый дечет нимо шот ок лек», - манешат, Дима гармоньжым верышкыже намиен шында. А тудо кочажын шоктымо сем почеш марла «тывырдыкым» кушташ пеш йӧрата. Марла ойлен ок мошто гынат, семым умыла, эре кушташ йодеш.