Маска чия

- Тук-тук-тук, пураш лиеш мо? - манеш маска.

- Кӧ тушто? - йодыт.

- Маска, тореш чапа.

- Молан толынат? 

- Чия налаш.

- Чияже дене мом ыштет? 

- Окна карлыкым чиялтем, чия ужалшылан тӱлем.

- Могай чиям налнет?

- Кандым.

Кӧ канде тӱсым налын гын, тудо маска деке лектеш.

- Чият мош шога? - йодеш маска.

Канде тӱс ойла:

- Кандаш теҥгем, мӱндыр ола гыч кондымо вет.

Маска вӱдышӧ деке мия да тудым копаже гыч кандаш гана пералта, пуйто оксам тӱла лиеш. Пералтымеке, маска канде чиям кучышаш. Кучен кертеш гын, маска шке клатышкыже наҥгая. Огеш керт гын, модшо верышкыже шинчеш. Тудлан у лӱмым пуат. 

Рашемдыш: маска чия ужалышым верышке пурен шичмешкыже кучышаш. Модыш маскан уло чиям налын пытарымешкыже (чылаштым кучымешке) шуйна. Чия тӱс кажныжын тӱрлӧ лийшаш, а тидлан ятыр тӱсым палыман.