Этномузей-студийын унаже - курчак

Нефтекамск оласе 16-шо школын библиотекыштыже тыршыше Р.Н. Акмалован оласе пачерыште почмо этномузей-студийын пашаж нерген икана огыл возенна ыле. Студий гай у пӧлемыштыже тудо экспозиций-влакым эре уэмден, пойдарен шога. Тӱрлӧ самоварже-влакын чотышт, мутлан, тачысе кечылан 100-ыш шуын! Тошто калык вургемымат эре кычалеш, ешара, тачысе саманлан келшен толшыжым шкеат урга. Чон йодмо сомылжылан Рамзия Наифовна чыла яра жапшым пӧлекла. Этномузей-студийышкыже школла гыч чӱчкыдын йоча-влак экскурсийыш мият. Кызыт нунын каникул жапыштлан уста кидмастар, краеведений сомыллан шӱман ӱдырамаш «Хранители традиций» курчак да модыш выставкым ямдылен.

Р. Акмалован колтымо фото-влак.

Тудо лач тиде кечылаште почылтын. Экспозицийыштыже могай гына курчак уке - руш, башкир, казачка, чуваш, тулеч молыжат. Нуно чылан калык вургемым «чиеныт». Руш калык вургеман курчакше-влак эсогыл Российын тӱрлӧ-тӱрлӧ губернийлаж гыч улыт, садлан кажныжын вургемыштат ойыртемалтше, лач тудо кундемлан келшыше улеш. Выставкыште фарфор курчак, матрешка, изи почтальон, курчак-аралтыш, суртводыж, тӱрлӧ курым гыч унала толшо ӱдырамаш-влакымат ужаш лиеш. Тӱрлӧ калыкын тӱвыраже, вургемже нерген каласкалыше курчак выставка дене эн ондак оласе «Смайлики» лагерьыш коштшо изи ӱдыр-рвезе-влак палыме лийыныт.

Автор:Людмила Шавалиева

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».