Тукым кокласе кыл ынже кӱрылт

Нунын коклаште марий ӱдыр-рвезе-влакат улыт. Туныктышышт Г.Г. Гильфанова йоча-влакым туныктымо да воспитатлыме сомылышто класс деч ӧрдыжсӧ пашалан кугу тӱткышым ойыра. Тыгодым кушкын толшо тукымым шочмо йылмылан, калык йӱлалан шӱмаҥдаш тырша. Май тылзын пытартыш кечылаштыже, каникулыш лекме деч ончыч, нуно классыштге библиотека пашаеҥ Р.Н. Акмалован пачерыште йӧнештарыме краеведений сынан музей пӧлемышкыже экскурсийыш миеныт. Тушто нуно тӱрлӧ калыкын тӱвыражым, историйжым шымленыт - ожсо да кызытсе вургемышт дене лишкырак палыме лийыныт. Чын, тукым кокласе кыл ынже кӱрылт манын, йоча-влакым шочмо калыкын илыш-йӱлажым палаш, пагалаш изинек  кумылаҥдыман.