Йочасадыште Шорыкйол пайрем

Воспитатель М.Г. Иргибаеван тыршымыж дене изи ӱдыр-рвезе-влак калык пайрем нерген шуко уым пален нальыч. Тиде кечын нуно тӱрлӧ калык модыш, мутлан, «Маска чия» дене модыч, портышкемым кудалтен «мужедыч», кыстывийым кочкыч, марла кушталтышт. Йоча-влак пайремыш марла вургемым чиен миеныт, пайремын унаже-влакымат шкеак келыштареныт. Теве Маскажат пеш тале ыле, рольжым устан модо. Йоча-влаклан пайрем келшен, нуно мӧҥгышт йывыртен пӧртылыныт. 

Икшыве-влакым марий йӱлалан изинек кумылаҥден шогымаш - поро да суапле паша.