Калык модышым шарналтена

Тӧргым гына тӧр мланде,

Айдыза шовыч кышкен 

                                  модына.

Теат мӱндыр, меат мӱндыр,

Айдыза салам колтен илена.

Пӧртет воктен, 

                       клатет воктен

Тыртыш тыртыштен 

                              модаш сай.

Тыят мӱндыр, мыят мӱндыр -

Салам колтен илаш сай.

Вара шуко  модыш уло. Но нунын коклаште «Шовыч кышкен» да «Тыртыш тыртыштен» модыш-влакым огына вашлий. Мыят, Тӧргым воктен шочын-кушкынам гынат, тыгай модыш-влак дене модмым ом шарне. Ала ме нуным вес тӱрлын лӱмденна? Мурышто Тӧргым ушештаралтеш гын, тугеже, тиде модыш дене модшо ӱдыр-рвезе-влакат тывелне иленыт. Лудшына-влак коклаште тиде модыш-влак нерген палыше да нунын нерген умылтарен кертше еҥ уло ала? Марий калык модыш-влакым уэмдена гын, сай ыле…