Шочмо калыкын йӱлажым мондыман огыл

Тунемше-влак А. Идулбаева, А. Никитина, Ю. Сергеев шочмо-кушмо кундемыштына тӱрлӧ калыкын келшен илымыже, вер-шӧрнан мотор пӱртӱсшӧ нерген почеламут-влакым каласкалышт. Вара презентаций да видеоматериал полшымо дене ӱдыр-рвезе-влак марий кочкыш нерген пален нальыч. Кружокысо занятийлаште налме шинчымашыштым кучылтын, йоча-влак кондымо сийышт дене палдарышт, такмак-влакым муралтышт, марла кушталтышт. Пайремыш пагалыме авана-влакымат ӱжна. Нунын кокла гыч Н.В. Айтукова ден Э.А. Исамбаева кочкаш шолтымо годым коҥга воктене шогышо  арвер-влак дене пайдаланыме радам, перемечым кӱэштме йӱла нерген каласкалышт, подкогыльо дене сийлышт. Пайремнам «Кандыра» куштымаш дене мучашлышна.