Все новости
Калык йӱла
28 Ага 2021, 12:50

Фольклор шагат пайдалын эртен

Мландӱмбалне шуко тӱрлӧ калык ила, кажныже шке йылмыж дене мутлана. Шочмо йылме - кеч-могай калыкын, тыгак мемнанат поянлыкна. А вургемна могай мотор! Ончен кӧранет. Марий чием радамыш пӧръеҥын да ӱдырамашын тувырыштым, йолашым, мыжерым, ӱштым, вуйчиемым, йолчиемым пуртыман.

Маядык ялысе библиотекыште уш-акылым пойдарыше «Знайка» кружок пашам ышта, тушто тӱрлӧ мероприятийым эртарена. Нунын кокла гыч иктыже - «Марий калыкын вургемже» фольклор шагат. 12 майыште тушко погынышо-влак марий вургемын историйже нерген шуко пайдалым пален нальыч. Кажне вургемын молан кӱлмыжым шымлышна. Тӱрлӧ кундемыште илыше марий-влакын вургемышт да йӱлашт дене палдарышна. Тунемше-влак почеламутым каласкалышт. Калыкнан йӱлажым пагалаш, илышыште кӱлешлыкшым умылаш тунемна. Шижалтеш, йоча-влак коча-кова-влакын поянлыкыштым арален кодаш кумылан улыт.
Читайте нас: