Теле, чеверын! Шошо, салам!

«Йӱштӧ телым ужатен, колтена ме муралтен», - ик кечын уремыштына весела муро шергылте. Тиде мемнан ял калык, пырля погынен, телым ужатыш. Ял покшеке изижге-кугужге погынышт.

Пайремыш ушнышо калык кидеш мелна кышылым кучен миен, кӧн мелнам кӱэшташ жапым ситарен огыл, мураш-кушташ келшен. Тыште клуб пашаеҥ-влакым поро мут дене палемдыман. Нуно пайрем нерген, могай чес дене погыман, увертарымашым ямдыленыт, оҥай программым ямдыленыт. Чевер вургем, весела марла муро кажне еҥын кумылжым нӧлтеныт. Клуб вуйлатыше И.С. Янситова, А.О. Султанбаева, Н.А. Михайлова, музиканче Ю.А. Иликаев, И.А. Калитова, библиотекарь Э.Б. Иманова пайремыште чылт артистла койыч. Нуно эре могай-гынат оҥай мероприятийым шонен луктыт да ял калыкым куандарат, чапле концертым ямдылат. Йоча-влак денат пашам тыршен ыштат. Каникул годым конкурс, модыш-влакым эртарат. Школ дене пеҥгыде кылым кучат. Школысо, районысо мурымо-куштымо конкурслаште мемнан тунемше-влак эре сеҥышыш лектыт. Клуб пашаеҥ-влакын полшымыштлан кӧра туныктышо-влаклан йоча-влакым тӱрлӧ конкурслан ямдылаш пеш каньыле.

Клубыштына тыгак «Ший памаш» куштышо-мурышо ансамбль сай лектыш дене пашам ышта (Арам огыл «калык» лӱмым нумалеш.). Тений январьыште ялыштына Эстоний да Удмуртий гыч толшо мӱндыр уна-влак уна лийыч. Нуно Мишкан кундемыш финн-угор тӱнян тӱвыра рӱдержым почмашке толыныт ыле. Клуб пашаеҥ-влакын устан ямдылыме пайремышт мӱндыр уна-влаклан моткоч келшен! Шукерте огыл Удмуртий гыч кеҥежым нунын кундемысе пайремыш коллектив дене пырля мияш ӱжмаш тольо!

Авторын фотожо-влак.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».