Марий тӱр пешат сылне

Шочмо йылме полшымо дене ме илышыштына шинчымашнам пойдарена, тӱнямбалне мо ышталтмым пален шогена. Йылме - калыкын вийже, уш-акыл поянлыкше. Марий йылмына эн ныжыл да шыма.

Марий калыкнан вес ойыртемжат уло - ме мотор тӱран тувырым чияш йӧратена. Шукына ялыште илена гынат, ятыр сомыл коклаштат ӱдырамаш-влак межым шӱдыраш, пидаш, ургаш да тӱрлаш жапым муыт. Тӱрым тӱрлымаш кидым лывырта, уш-акылым вияҥда, шонаш тарата, тӱткырак лияш туныкта.

Ончалза, могай мотор мемнан марий вургемна! Ӱдыр-влак тасман але тӱрлеман тувырым чиен шогалытат, олык покшелсе пеледышла веле койыт. Ончен, чонет куана! Марий ӱдырамаш ожнысек вургемым шке ыштен. Могай гына тӱр ок шоч шӧртньӧ кидан мастар-влакын тыршымыштлан кӧра.

3 мартыште Маядык ялысе книгагудышто марий тӱрлан лӱмдымӧ мероприятийым эртарышна. Пошкырт вел марий тувыр, Морко вел сӱан вургем нерген каласкалышна. Ырес дене тӱрлымӧ конкурсым эртарышна. Калыкмут-влакым ушештарышна. Тунемше-влак почеламутым каласкалышт. Марий тувыран ӱдыр-влак мурен-куштен савырнышт. Тиде касна пайрем семынак эртыш. Марий вургемна, марий тӱрна ончыкыжат огеш йом манын ӱшанен кодына.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».