-22 °С
Пылан
Все новости
Историй гыч
23 шорыкйол , 13:15
Марий калыкын икымше мер организацийже-влак
Ожнысек марий калыкым иктыш ушышо вий язычество (чимарий йӱла) лийын. Руш кугыжанышын вияҥмыж семын иноверец-влак ваштареш кучедалме политика вияҥын. Марий-влак тӱвыра кокласе кылым да национальный самоидентичностьым йомдараш тӱҥалыныт. Руш да татар калык-влак дене ассимиляций процесс вияҥын. Но эл мучко наука да просвещений шарлаш тӱҥалме марий-влаклан ушнаш да шке нацийыштым вияҥдаш йӧным пуэн.
Ӱпӧ духовный семинарийын зданийже. Тыште Уфасе духовный семинарий пелен миссионер класс ышталтын, вара тиде класс Уфасе черемис чимарий школыш савырнен. Лач тиде оралте гыч эрвелмарий интеллигенцийын икымше еҥже-влак лектыныт, нуно марий калыкым ушымо пашаште корным такыртеныт. Кызыт тиде оралте Уфа ола, Карл Маркс урем, 3-шо пӧрт адрес дене верланен.
Кеч-могай калыкын илышыштыже образованийым шарымаш да вияҥдымаш мер толкынланат вияҥаш ыҥгайлыкым пуат. Тӱҥалтыш школ-влакым почмылан кӧра марий калыкын туныктымо кӱкшытшым нӧлталаш йӧн лектын.
Уфа губернийысе марий-влак марий национальный толкынлан тӱҥалтышым ыштеныт. XX курым тӱҥалтыште Уфимский губернийыште тунемше марий шукемын. Нунын кокла гыч эн чолга еҥже-влак калыкнан историйыштыже келге кышам коденыт, марий национальный толкынын чолга участникше лийыныт да марий литератур ден наукылан негызым пыштеныт.
Тичмаш материалым "Чолман" газетын 2026 ий 21 январьыште лекше номерыштыже лудса.
Новости партнеров