Маядык лӱм кушеч лектын?

Кокымшо: Марий-влакын «мая» мутышт илыш тӱҥалмым ончыкта («мая муно» - икымше муно, «мая вер» - иктат пурыдымо вер да т.м.) Тиде шомакым ушышто кучаш гын,  Маядык - тиде «илыш тӱҥалтыш, у вер почылтмаш».

Кумшо: Куснышо-влак марий да татар лийыныт. Марий-влак вер келшымек каласеныт: «Мия дык, мия» («Подойдет это место»). Татар-влак вес вере каен илаш тӱҥалыныт да саде шомакымат («Мия дык») наҥгаеныт, тиде ялым «Миядык» манаш тӱҥалыныт.

Нылымше: «Маядык» мут тюрк йылмысе мут-влак гыч ышталтын: «мийя» - шун, «дек» - курык, курык вуй, а пырляже - шунан курык воктелсе ял. 

Визымше: Башкир АССР-ын Топонимический словарьыштыже Маядык лӱм ял воктен йогышо эҥер лӱм дене кылдалтме нерген возымо. 

Мемнан кугезына-влак Пошкырт кундемыш виеш тынеш пуртымылан, кугу йозакым тӱлыктымылан да куралме мландышт тоштеммылан кӧра куснен толыныт. 

Маядык корно гыч пеш моторын коеш. Зайнаш, Чаган да Рушъял арка-влак коклаште, под пундаш гай олмышто верланен. Садланак телым Маядыкыште, моло верла дене таҥастарымаште, йӱштырак, а кеҥежым, мӧҥгешла, шокшырак. Эҥер-влакын серыштышт нӧлпер, пӱкшерме, шертнер кушкыт. Эҥер-влакыш памаш-влак йоген пурат, садлан верчын Маядыкыште йырым-йыр ужарге, а шыжым йошкаргын, нарынчын вел коеш.

Тичмаш статьям газетын 2022 ий 2 февральыште лекше  5-ше номерыштыже лудса.