Марий лӱм кугезынан

(Мучаш. Тӱҥ. 39, 40-ше номерлаште.)Перепись книгаште ожно ӱдырамаш лӱм-влакым серен огытыл, но шоҥгыеҥ-влакын ойлымышт да шочмо ялыштем илыше еҥ-влакын да моло районлаште улшо кугу ийготан кувай-влакын тыгай лӱмыштым ончыкташ лиеш: Унай, Уналче, Пенай, Пеналче, Айма, Аймалче, Сайнай, Сайналче, Пайралче, Песталче, Айгалче, Эмалче, Экалче, Шымалче, Пигалче - чыла вережат -алче пушкыдемдыше суффикс уло. Эн тошто лӱм-влак: Изыкай, Лыстанай, Кумчий, Кумший, Пикивий, Пикас, Кыльбика, Калинча, Бархий, Марзи, Марзиба, Мека, Мадина, Малика, Алика, Алипа, Алима, Алма, Алмабика, Алма, Айвика, Авида, Савида, Салипа, Салика, Салима, Самига, Кавида, Калима, Канипа, Кулина, Янипа, Ямила, Янач, Яндалче, Кулсипа, Кулзиян, Кулямал, Ямал, Менямал, Пета, Супия, Супиян, Сакиян, Сулий, Сулика, Сулбика, Сулкиба, Сакиба, Кулбази, Ална, Алина, Алтынбика, Алтынай, Алтын, Асыл, Асылий, Асылбика, Айстан, Пайстан, Айсуло, Пайсуло, Чапа, Чака да т.м.