+15 °С
Облачно
Илыш пасу
1 Июля , 11:09
Шарнен илена…
30 июньышто шергакан пелашем, пагалыме ачана, шӧртньӧ гай кочана да кугезе кочана Михаил Павлович КУТЛУСАТОВЫН ош тӱня гыч кайымыжлан ныл идалык теме. Кӧ тудым пален, пырля тунемын, пашам ыштен, аклен - мемнан дене пырля порын шарналтыза.
Йӧратыше ватыже, эргыже, ӱдыржӧ, уныкаже, кугезе уныкаже-влак.
Михаил Павлович
Кутлусатовым шарнен…
Те кайышда, коден чевер кеҥежым
Ал мӧрым тамлен шуктыде, шижде
Коден мемнам, шинчавӱднам лукталын,
«Чеверын!» манынат пелештыде…
Каласышаш мут йомын ала-кушко,
Шӱм-чон коржеш, ӱшаныме ок шу…
Йомдарышна ме тале кидмастарым,
Колыштнена гынат, йӱкшым ок пу…
Шке ӱмырдам кылденда калык дене
Мастарлык дене иленда келшен.
Шонымашдат пеш шуко ыле, кодын
Ыштен пытарыде да шукталтде…
Тек тӱмырдам кырат элнаже мучко,
Гармонь йӱк тек йоҥга тендан лӱмеш!
Те каенда, коден ты ош тӱняжым.
Лач поро шарнымаш чонеш кодеш…
2022 ий 30 июнь.
Инесса Степанова.
