Эре шӱмыштӧ улат…

Ласкан кане, Ачай,

Шып гына каенат,

Кӧргыштет чыла коржмым тӱсен…

Кодынна шинчавӱдым ӱшташ,

Йоча годсо ийлам кугешнен вел 

                                                 шарнен.

Моткоч неле, Ачай, пуста шӱмым 

                                                    эмлаш, 

Нигӧат тыйын олмым огеш 

                                         керт айлен…

Ватыже, эргыже, ӱдыржӧ, уныкаже-влак.

Михаил Павлович 

Кутлусатовым шарнен…

Те кайышда, коден чевер кеҥежым,

Ал мӧрым тамлен шуктыде, шижде

Коден мемнам, шинчавӱднам лукталын,

«Чеверын!» манынат пелештыде…

Каласышаш мут йомын ала-кушко,

Шӱм-чон коржеш, ӱшаныме ок шу…

Йомдарышна ме тале кидмастарым,

Колыштнена гынат, йӱкшым ок пу …

Шке ӱмырдам кылденда калык дене,

Мастарлык дене иленда келшен.

Шонымашдат пеш шуко ыле, кодын

Ыштен пытарыде да шукталтде…

Тек тӱмырдам кырат элнаже мучко,

Гармонь йӱк тек йоҥга тендан лӱмеш!

Те каенда, коден ты ош тӱняжым,

Лач поро шарнымаш чонеш кодеш…

2022 ий 30 июнь.