Паваем дене кугешнем

Пайрем кечын мый паваемым, Калтаса район Красный Яр ялеш шочын-кушшо Б.В. Иликбаевым палемдынем. Борис Витальевичлан Афганистаныште служитлаш логалын. 1987 ий май тылзыште паваемлан армийыш каяш повестка толын. Вич-куд рвезым, спорт дене кылым кучышо-влакым, посна ойырен налыныт, нуно пел ий утла Батум олаште ученийым эртеныт. Тушечын вертолет дене умбакыже колтеныт. Рвезе-влак кушко наҥгайымым умылен огытыл. 

Паваем Афганистаныште ик идалык наре лийын. «Чылажымат ужым, йолташемымат йомдарышым. Мылам мӧҥгыштӧ авам, ачам, изам, шӱжарем вучат манме шонымаш илаш вийым пуэн», - шинчавӱд йӧре каласкала Борис паваем. Афганистан гыч нуно пытартыш войска дене лектыныт. Умбакыже тудо Уссурийск олаште службыжым шуен. 

Афган службыжо паваемлан ӱмыр мучкылан шарнаш кодын. Борис Витальевич мыланна пример улеш. Тудо 23 ий олаште автобусын водительжылан ышта. Пайрем кечын мый Борис паваемлан тазалыкым, кужу ӱмырым тыланем.