Васола марий-влак сарыште вашлийыныт

Кугу Отечественный сар жапыште мемнан вел рвезе-влакым армийыш Янаул станций гыч поезд дене наҥгаеныт.

1943 ий октябрьыште Васола ял рвезе Менгарай Умуракович Асылгареевынат армийыште служитлыме ийготшо шуын. Мемнан авана Тоймелык Исадыковна Ибакаева тудо жапыште колхозышто пашам ыштен. Колхоз председатель тудлан Янаул станций гыч имне дене грузым кондаш нарядым пуэн да Асылгареевымат намиен кодаш шӱден. Станцийыш миен шумеке, авана Менгарайлан «Войнаште Александр чӱчӱчым вашлият гын, саламым каласе» манын ойлен колтен.

Мемнан ачана, Александр Ибакаевич Ибакаев, 1941 ий гыч тушман дене кредалын. 1943 ий августышто нелын сусырген да 1944 ий апрель марте Пенза областьысе эвакогоспитальыште эмлалтын. Мӧҥгеш фронтыш кайымыж годым Москваште салтак столовый воктене Менгарайым вашлийын. Землякше ватыже тудлан саламым каласаш йодмо нерген ойлен. Тиде вашлиймашлан коктынат чот йывыртеныт. Илышыште тыге лийын кертмылан ӱшанен шукташат огеш лий, йомак гай веле чучеш, вет тудо жапыште лу миллион наре салтак сар корным тошкен. Но ачамын илышыштыже чынак тыгай историй лийын.

М.У. Асылгареев снайпер улмаш, тудым Чап орден, «Участнику штурма Берлина» да моло медаль дене наградитленыт.

Мемнан ачана А.И. Ибакаев кок войнаште элым арален. Кугу Отечественный сар гыч 1946 ий майыште гына мӧҥгӧ пӧртылын. Тушман ваштареш лӱдде кредалмыжлан Йошкар Шӱдыр, 1-ше степенян Отечественный сар орденла, «За взятие Будапешта», «За освобождение Праги», «За победу над Германией в войне 1941-1945 гг.», «За победу над Японией» медаль-влакым кучыктеныт. Тудын подвигше нерген архив документлаште тыгай увер уло: «В районе села Талмаз 20.8.44 г. при форсировании р. Днестр вместе с пехотой т. Ибакаев переправился на правый берег и обеспечил связью боевые порядки наступающей пехоты.

23.8.44 г. в районе с. Колыбаевка, прикрывая правый фланг обороны участка взвода управления полка, в течение 12 часов стойко отбивал контратакующую пехоту противника, стремившуюся прорваться из кольца. В рукопашной схватке и огнем из автомата уничтожил более 10 немецких солдат».

Сар деч вара Тоймелык ватыж дене коктын вич икшывым - Григорийым, Валерийым, Алефтинам, Андрейым да Вениаминым - ончен куштеныт. Мемнан ачанам шарнен, ик уныкаже шке эргыжлан Александр лӱмым пуыш. Ме чыланат элнам тушман деч аралыше да тылыште тыршыше-влаклан вуйнам савена да кугу таум ойлена.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».