Парашют дене тӧрштылаш кумылан

Калтаса район Ӱлыл Качмаш ялын шочшыжо Роман ИСКИБАЕВ Северный флотын теҥыз пехотыштыжо служитлен гынат, кумылжо тудым мландым кӱшычынат ончалаш, юж гыч чоҥештен волаш ӱжын. Кызыт тудо Озаҥ олаште ила, месторождений разработкылан анализым ыштыше да межскважинный гидродинамический шымлымаш шотышто услугым пуышо «Софойл» компанийыште бизнесым виктарыше менеджерлан тырша. Яра жапыште парашют спорт дене заниматла.

- Роман, парашют дене тӧршташ шонымаш кушеч лектын?

- Школышто пырля тунемме йолташем икана парашют дене тӧрштен. Тугодым мыйынат тиде спортышто вий-куатым тергаш кумыл шочын. Армийыштат разведывательно-десантный рота ден десантно-штурмовой батальонысо коллегем-влакын вуй ӱмбалнем Ми-8 вертолет да Ан-26 самолет гыч парашют дене тӧрштымыштым тӱткын эскеренам.

- Икымше гана кунам тӧрштенат?

- Икымше гана 2014 ий кеҥежым Ижевск оласе Пирогово аэродромышто Д6 десант парашют дене тӧрштенам. Тумарте нигунам самолет денат чоҥештен омыл, садлан тиде мылам ӧрыктарыше тат лийын. Шарнымаш - ӱмырешлан. Мылам икымше тӧрштымаш лӱдыкшырак ыле. Кажне тӧрштымӧ еда лӱдмем шагалемын.

- Парашют дене тӧрштылаш кушто тунемынат?

- Мегион олаште кок ий ДОСААФ-ын 2-шо программыж дене ешартыш тунеммашым эртенам, тыгак Мензелинск олаште ешартыш курсым тунем лектым. Ынде ик минут шуйнышо «свободный паденийым» ыштен моштем. Кажне тӧрштымаш - тиде у кӱкшыт.

- Тачысе кечылан мыняр гана тӧрштенат?

- Кызыт парашютный книжкаштем 44 тӧрштымаш шотлалтеш. Тиде чотым 200-ыш шуктынем. 200 гана тӧрштымаш парашют дене тӧрштымым портативный экшн-камера дене видеозаписьыш возаш йӧным ышта. Парашют дене тӧрштылмаш - лӱдыкшӧ спорт. Но, техникым чын шукташ гын, чыла сайын эрта. Кызыт тӱҥ шотышто Мензелинск оласе аэродромышто шуаралтам.

- Ончыкылыклан могай шонымаш?

- Тений изирак парашютыш куснаш кумыл уло. Кызыт 210-шо купол дене тӧрштылам. Кеҥеж мучашлан 150 квадрат футыш куснынем. Тыгак тӱшка акробатика дене тӧрштылмӧ программым мучашлынем да «четверка» йӧн дене тӧршташ (нылытын тӧрштымӧ формаций) допускым налнем. Шонымашем шукташ кеҥежым да сай игечым вучем!

Еш архив гыч налме фото-влак.

Читайте нас в

«Чолман». Республиканская общественно-политическая газета на марийском языке. Издается с 24 апреля 1991 г.

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».