Эн шерге еҥна

Таче мый тыланда эн шерге еҥна - ковам Марина Киляевна Имаева нерген возынем. Тудо 1928 ий чатлама 24 декабрьыште Мишкан районысо Пӱнчер ялыште илыше шуко икшыван ешеш шочын. 2020 ий 24 декабрьыште 92 ийым темыш.

Весела, поро, икте-весым пагалыше ешеш шочын гынат, илыш ӱдырым торжан вашлийын. 11 ияш улмыж годымак ава деч посна кодын. Уло сурт сомыл ӱдырын вачӱмбакыже возын. Тудын дене пырля вич ака-шӱжар да иза-шольо сурт сомылым ворандараш тыршеныт. Икте-весыштлан эҥертыш лийыныт. Кызыт ковамын акаже - Валентина Киляевна Кутлиярова гына илыше кодын. Тудланат вашке 96 ий темеш.

1951 ийыште 24 ияш чевер ӱдыр шке районысо Тошто Эшым ялыш марлан лектын. Марийже, Емельян Имаевич Имаев, чатката кап-кылан, весела кумылан тале комбайнер лийын. Пырля вычыматен, куд икшывым ончен куштеныт. Самырык ӱдырамаш сурт кокласе сомылымат, колхоз пашамат эре уло кумылын да жапыштыже шуктен шоген. Паша деч пырчат лӱдын огыл: сава дене шудым солен, пареҥге да ушмен пасушто шӱкшудым сомылен.

Жап шкенжыным налынак шога, рвезе ӱмырат шке семынже вашке эрталеш - ковамат кугу ийготыш шуын. Мылам ковам эн шерге, эн мотор да поро чонан, весела кумылан улеш. Кызыт тудо шкетын ила, сурт сомылжо дене куржталеш. Унала мийыме годым ӱстелтӧрыштӧ самырык жапшым шарналташ, шке илышыж нерген каласкалаш йӧрата. Мый тудым уло кумылын колыштам. Шоналташ гына, кузе вашке самырык ӱмыржӧ эртен, мыняр неле-йӧсым чытен, но садак виян ӱдырамаш лийын кодын, нелылан вуйым пуэн огыл. Газет гоч ковамлан, Марина Киляевналан, икшывыже-влак, 14 уныкаже да 11 кугезе уныкаже лӱм дене пеш кугу таум ойлем. Коваем, таза, кужу ӱмыран, весела кумылан, ласка шинчаончалтышан да тыгаяк поро код! Уло родо-шочшет, тукымет лӱм дене каласынем: ме тый денет кугешнена, тыйым пагалена да йӧратена.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».