Нерге ялыштына эн шоҥго

Иленыт Нерге ялыште Байгуза Байрамгузинович ден Калима Саликовна. Колхозышто пашам ыштеныт, кресаньык лийыныт. Нунын кандаш икшывышт шочын. 1925 ий 20 декабрьыште шочшо Оксинья ӱдырышт ешыште кумшо икшыве лийын. Тудлан изинек аважлан шольыжо-шӱжарже-влакым ончаш, сомыллан полшаш логалын. Ачаже Финн сарыште кредалын. Тушто пленыш логалын, мӧҥгыжӧ эмганен пӧртылын, садлан кужу жап илен огыл. Ватыжлан шкетланже кандаш икшывым ончен кушташ йӧсӧ лийын, но кузат кугемдаш тыршен.

Оксинья шымше класс деч вара медучилищыш тунемаш пурен, но пытарен кертын огыл, мӧҥгеш пӧртылын. Тудым торф лукмашке наҥгаеныт, Яман-Елгашкат коштын, йолташыже-влак дене пырля шахтыште шӱчым луктын. Вара Уфаште шырпе фабрикыште пашам ыштен. Тушан шке ончыкылык пелашыжым вашлийын. Ямай павайже Пӧкленде ял гыч улмаш. Тудат, 1945 ийыште Кугу Ачамланде сар гыч пӧртылмек, Уфаште пашам верештын. Тушто икте-весыштлан келшеныт да пырля илаш тӱҥалыныт. 1951 ийыште Люда ӱдырышт шочын.

Аваже Оксинья ден веҥыжым ялыш пӧртылаш ӱжын. Толыныт, пӧртым налыныт, илаш тӱҥалыныт. Оксинья кокай колхозышто, а Ямай павай сельпошто товароведлан, заготовительлан, дорожниклан ыштеныт. Тудо 53 ияш колен.

Вате-марий Людам, Олям, Сашам, Соням ончен куштеныт. Люда ден Оля лапкызылан, Саша водительлан, Соня ончыч бухгалтерлан, вара колхозышто пашам ыштеныт. Кызыт кокайын 14 уныкаже да 22 кугезе уныкаже улыт.

О.Б. Ибутаева 2020 ий 20 декабрьыште 95 ияш лие. Кокайым ынде Соня ӱдыржӧ онча, Люда ден Олят полышкалаш толын коштыт. Нерге ялыштына илыше эн кугу ийготан кокайлан ончыкыжат тазалыкым, рыскалым, кужу ӱмырым тыланен кодына.

Читайте нас в

«Чолман». Республиканская общественно-политическая газета на марийском языке. Издается с 24 апреля 1991 г.

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».