Ава деч шерге уке нигӧат

«Ава» деч шерге мут тӱняште уло мо? Уке, очыни, вет айдемылан илышым ава пӧлекла. Санденак, авам моктен, поэт, писатель, композитор, мурызо-влак чапле деч чапле почеламутым, оҥай ойлымашым, повестьым, сылне деч сылне мурым возат. Кажне айдеме, «ава» шомакым колын, шинчаончылныжо йӧратыме аважын чурийжым ужеш, шыма йӱкшым колеш. Тиде айдеме мемнам, шочын вочшо изи падыраш гыч тӱҥалын, ончыкылык корным ойырен налше айдеме марте ончен кушта. Тӱняште кажне айдемын шочмо аваже уло. Тудо мыланна эн шерге, эн лишыл, эн поро.

Мыят таче авам нерген мутем шуйынем. Кандашле ий ожно, ямле шыже кечын, Илиш район Анач ялыште Тойвыкеч (Тосык) ковайын нылымше икшывыже шочын, тудлан Тоня лӱмым пуэн. Элыште Кугу Ачамланде сар жапыште кувавайлан ныл икшывым ончен кушташ неле лийын: шӱйшӧ пареҥгымат, коншудо киндымат кочкаш верештын - чылажымат чыташ логалын.

Ий-влак эртеныт. Авана, латкандаш ийым темымеке, ачанан, Иванын, йӧратыме пелашыже лийын. Самырык ава тӱрлӧ пашаште мастарлыкшым шуарен: колхоз пашан тамжым пален шуктен, вольыкым кумылын ончен, но илышыжым туныктымо паша дене кылден. Тыге Анач школыш пашаш толын. Пошкудын, родо-тукымын ньога-шамычыштым шинчымаш тӱняш лукташ - тиде пиал. Илыш пӱрымаш почеш авана Музек ден Корий школлаштат туныктен. Айдемым паша вер огыл нӧлта, айдеме паша верым чапландара. Авамын, Антонида Умурбаевнан, сулло пашажым аклен, Башкортостан Республикысе образований министерство тудым ятыр Чап грамот дене палемден. Кызыт авана, кована «Паша ветеран» лӱмжӧ дене кугешна, а ме эн лишыл, эн шергакан еҥнан илымыжлан кажне кечылан тауштена.

Вич икшывыже, шым уныкаже, кандаш кугезе уныкаже кандашле ияш мотор, шерге да шочшылан эн лишыл еҥым перегат, тудын дене кугешнат. Авана чылалан йолташ гай улеш: кӱлеш шомакым муэш, уныка денат модаш ок ӧр, кидпашалан мастар, муралташ йӱкшӧ яндар, а кӱэштме мелнаже пушланыше да тамле. Ме кече еда авана воктене лийын огына керт, но чонна дене эре пеленже улына. Тудо мемнам изина годсылак вуча, йӧрата, арала.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».