Йолташын акше

Юбилей - кугу пайрем. Родо-шочшо, йолташ, поро пошкудо-влак лӱмгечыште эре ӱжмӧ да вучымо уна улыт. Айдеме, могай дыр кӱкшытыш кӱзен, тушеч эртыше илышыжым аклен ончалеш, илыш умылымашыжат, уш-акылжат ешаралтыныт.Кӧн дыр илышыже икшырымын эртен, ӱмыржӧ мучко шоферлан, трактористлан, слесарьлан пашам ыштен, но садак шке курыкышкыжо кӱзен. А кӧ дыр карьерный, служебный тошкалтыш дене нӧлталалтын, изирак але кугурак тӧра лийын. Но пайремыш толшо чыла еҥым самырык жапышт ушен шога. Илышын эн пиалан татше, кунам нуно чылан весела, самырык, ончыкылык нерген волгыдо шонышан, йӱлышӧ шинчан, икте-весышт дене чон почын мутланыше, йӧратыме да йӧратыше лийыныт. А ынде чалемше ӱпан, куптыргышо шӱргывылышан улыт, шинчашт гыч волгыдо сескемат йомын.

Шинчат ӱстел коклаште рвезе пагытысе йолташыштын кугу пайремыштыже кугу ден изи тӧра-влак да ик тракторист. Ойлат поро мутым, саламлат, шарналтат пиалан жапыштым. Артист-влак юбиляр да тудын унаже-влак лӱмеш мурым муралтат, мыскарам ыштылыт, ойлат, куштат. Тостым каласен, кочывӱдым подылыт. А кочывӱд айдемын чонжым почеш. «Айык еҥын - ушыштыжо, а подылшын - йылмыштыже» маныт вет. Кужу жап шинчышт, куанышт, чоным почыч, мурышт-куштышт.

Пайрем мучашке лишемеш. Кажне уна, юбиляр дек лишемын, чон гыч лекше могай дыр поро мутым каласен кая. Теве ончычсо шофер, а кызыт кугу тӧра, юбиляр воктек толын шинчат, вачыж гыч ӧндалын пелештыш: «Чыла сай, йолташем. Тау ӱжметлан, пайреметлан. Тыят кугу тӧра лийынат, бизнесетат уло. Мыят изи огыл карьерым ыштышым. Мылам, уналан, ит сыре, пожалуйста. Ме вет йолташ улына. Каласе, молан тый пайремышкет, тиде ӱстел коклаш Степаным ӱжыч? Тудо вет кузе тракторист ыле, тугак трактористак кодын». Оза, юбиляр, шкенжым кидыште кучен кертше айдеме улеш гынат, чонжылан ондак ала-кузе нелын, йӧсын чучын колтыш. Ойлышо йолташыж ӱмбак тӱткын ончалят, вашештыш: «Да, тый - уна, а мый - оза. Молан тракторист тиде ӱстел коклаште?! - йӱкшӧ пеҥгыдеме. - Йӧра, мый таче тӧра, поян еҥ улам. Мыйын чыла уло. Чыла еҥлан кӱлам. Но илышыштем тугай кечат толын шуын кертеш, кунам мыйын ни поянлыкем, ни верем огыт лий. Уремеш чараголя гай шоген кодам. Тунам тыят, ӱстел коклаште шинчыше изи-кугу тӧра-влакат мыланем тупынь савырнеда, кидымат огыда пу. Палыдымыла эртен каеда. А теве Степан, тракторист, мылам полыш кидым шуялта, илыме верже шыгыр гынат, малтен луктеш, пытартыш кинде курикажым лош пайла. Садлан тудо таче тыште, пайремыштем». Ойлышо тӧра умылыш, мутшо келшен огыл. А вот юбилярын шомакшым шке чонышкыжо шыҥдарыш мо?

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».