КОРОНАВИРУС МАРАФОН

Мыскараже - илышыштак Ала воштылаш, ала шорташ…

Илыш ончыко куржеш да куржеш, киносÿретла вашталт толеш. Пел ий ончыч ушышкат пурен огыл тыгайыш шуына манын. Кызыт окна гыч уремыш ончалат гын, ала-могай фантастике киношко логалме гай чучеш.

Уремыште еҥ-влак коклан-коклан гына эртен каят, чурийыштым маске дене петыреныт. Чонлан каньысыр, а шинчан ÿшанымыжат огеш шу. Но мом ыштет? Кызытсе томашам пÿрымаш корно гыч ÿштыл шолаш огеш лий, власть кÿштымым шуктен, суртышто шинчаш логалеш. А чон пÿртÿсыш ÿжеш, оҥ тич южым шÿлымö шуэш. Йöра ялыште пöрт уло...

Ик поро кечын ялышке каяш погынышна. Сайын гына миен шумеке, оралтышке лектын куржна. Яндар юж, оралте, пакча нимо деч шергын чучын колтышт. Изиш сомылым йöнештарымеке, шÿжарем дене уремым эрыкташ тарванышна. Ончена, Юмыланпуыма гыч пошкудо рвезе вола, чодыраш южым шÿлаш миен манын шоналтышна. Воктекырак толын шумекыже пошкудын кидыштыже йолчиемым ужна. Шÿжарем, мыскарам ыштен, йодо: «Ынде Юмыланпуымашыш кокымшо йолчием ден коштат мо?» Пошкудем мутлан кÿсеныш пурышан огыл, вигак вашештыш: «™шанеда-уке, но теҥгече шольым дене курык вуйышто таҥасен куржтална. Куржына-куржына - шольым мыйым ончылташ тÿҥале вет, а мыйын вараш кодмо ок шу. Калошемым кудаш шолышымат, чулкайолын пеш куштылгын куржын колтышым, шольымым шеҥгелан кодышым. Вот таче калошемым налаш мийышым». Мыйже ÿшанышым, шер теммешке воштыльым. Но кунам чынжым пален нальым - эшеат чот воштылаш перныш. Пошкудем шольыж дене огыл таҥасен улмаш, а дружинник-влак деч лÿдын куржын. Нунышт комендант час манмым ялыштат эскерат. Ял гынат, тыгай осал чер шарлен толмо годым уремыште айда-лийже перныл коштман огыл, сомылет уло гын, палемдыме пагытыште веле лекман. Теве тыгай жапыште илена: ала воштылаш, ала шорташ... Но ÿшаным огына йомдаре: вашке адак маске да перчатке деч посна уремыште лекташ да нимо деч шекланыде кошташ тÿҥалына. А кызыт айста тазалыкна да илышна нерген шоналтена, «Пöртыштö шинчена» режимым шукташ тыршена…

Редакцийын архивше гыч налме фото.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».