«Монча пурада уло мо?»

Ик мотор кеҥеж кечын капка ончыкем ГАИ мотоциклже дене формым чийыше Никита шольым толын чарныш.

Саламлалтна, тидым-тудым шапырышна. Яра жапше улмым пален нальымат, каласышым:

- Мылам монча пура кӱлеш. Тений мончам уэмдынем. Иктаж-вере коштмаштет ала ужалыше-влак нерген колынат?

- Пӱрнӱш - Кыргыз денла уло, маныт. Кертат гын, айда кондыштарен толам.

- Айда, - маньым. Чийыме вургемем денак Ош Виче паром дек кудална. Корнына ыҥгайле лие. Паром дене вашке гына Вичым вончен, Кыргызыш миен шуна.

Уремеш чарнен, кӧн ужалышаш пураже улмым пален нална да туддек кудална. Кудывечыш пурынена, капкашт кӧргӧ гыч тӱкылалтын. Йӧра, пошкудыж дек ошкылна. Тудынат капкаже тӱкылалтын. Но вет пӧртыштӧ кӧ дыр лийшаш? Кечывал кочкыш пагытыс.

Ваштареш пошкудыж дек пураш вереште. «Пӧртыштӧ лийшаш улыт ыле», - манеш. Эше кӧн пураже улмым пален, туддек тарванышна. Капкам тӱкалтен шӱкалына - туштат тӱкылалтын. Ончем, окна чарша тарваныш.

- Тиде мый, Андрей улам, - кычкырем. Мыйым тыште шукын палат. Вара эше ик суртыш тӱкалтышна - туштат мӧҥгыштышт уке ыльыч докан.

- Йӧра, айда шочшем дек каена, - манам Никиталан. Туштыжо, кычкырен-кычкыренак, капкам почыктышна.

- Мо Сабантуй вашеш милиций формо дене калыкым лӱдыктен коштыда? - манеш суртоза. - Еҥ-влак пайремлан ямдылалтыт, «келтей вӱдым» йоктарат. Икымше капкаш тӱкалтымекыда, ял мучко «Милиций кӱмышкам шолтышо-влакым кычалаш толын» манме увер писын гына шарлыш. А тый «монча пура» манат…

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».