Жапым пайдалын эртарат

Шукерте огыл райрӱдысӧ «Женский интерес» ӱдырамаш клубын еҥже-влак, тушто погынен, 55 ияш деч кугурак ийготан-влаклан тӱрлӧ конкурс, модмаш-влакым оҥайын эртарышт. Шудо чай вий-куатым ешарыш, кӱлешан шинчымаш дене пойдарыш. Райбольницын терапий пӧлкажым вуйлатыше М.Р. Насибуллина сулен налме канышыште улшо-влаклан тазалыкым аралыме нерген каласкалыш. 

Тыгай вашлиймаш-влак умбакыже шуйнат. Тиде кечылаште, 1990-ше ийлаште петырыме овощесушильный заводын ончычсо коллектившым чумырен, «Вера» социальный обслуживаний шотышто рӱдерын вуйлатышыже С.М. Хамидуллина пенсионер-влаклан туризм, шушаш ийын мартыште «Зеленая роща» санаторийыште кугурак тукымлан ямдылыме декада нерген ойлыш.