+10 °С
Облачно
Газет нерген
24 Апреля , 10:17
Пагалыме «Чолман» редакцийын ӱшанле пашаеҥже-влак
Пагалыме «Чолман» редакцийын ӱшанле пашаеҥже-влак, 35 ияш пайремда дене шокшын саламлем! Тыгаяк поро кумылым, пеҥгыде тазалыкым, калыклан кӱлешан пашаштыда вий-куатым, моштымашым, шуко лудшым, ешыштыда ласкалыкым да эсен илышым тыланем. Ӱшанем, шушаш пайремда эн айват лиеш, уло эрвелмарий калыкын чонжым тарвата. Йӧратыме «Чолман» газетна кужу ӱмыран лийже.
Газет йолташемлан чонемым почеламут корныла дене почам:
«Чолман» - чон там,
кондет уверым, ямым,
Тора ма, лишыл -
чыла деке шуат.
Чон кумыл мурым,
эртышым шарналын,
Кугезе йылмым аралет,
шке йӱламат.
Чолман сер гычын салам мут
толеш гын,
Шӱм-чон тулла ыра -
палаш моткоч оҥай!
Марий мутна ачай-авай, бовайын,
А тудыжо - поян!
Уш-акыллан эм гай…
Мӱкш гай тыршет, «Чолман»,
саклет марийым,
Возет чыла нерген -
виян умылымаш.
Ит ӧр, йолташ,
«Чолман» пелен лият гын,
Эрласе илышет лиеш
улан памаш.
«Чолман», чолга лий!
Ончыко виктаре,
Виян пашатым калыклан темлен.
Марий чонан Ю мутым
мыланна ситаре,
Ӱшан ден ончыко!
У шошо гай гӱжлен!
Новости партнеров
