+10 °С
Облачно
Газет нерген
24 Апреля , 04:40
Газетна кужу ӱмыран лийже!
Пагалыме «Чолман» газетна да редакций пашаеҥ-влак! Уло кумылын тендам газетын икымше номерже лекмылан 35 ий темме дене саламлем! Газетлан кужу ӱмырым, шукырак лудшо еҥым, кугу тиражым, редакцийын пашаеҥже-влаклан тазалыкым, эре сай кумылым, творческий сеҥымашым тыланем. Оҥай да пайдале пашам шуктымыда дене кугешнем! Газетнан лӱмгечыжлан почеламутемым пӧлеклем.
Чон вургыж вучена вӱргечым,
Ола ден ял палат чылан -
Лач тиде кечын Нефтекамск гыч
Мемнам куандара «Чолман»!
Адак вучем мый почтальоным,
Налам газетым кидышкем.
Ылыжтара изи шӱмемым
Марий тӱняш омсам почмем:
«Саманын тӱсшӧ», «Ял озанлык»,
«Айдеме да пӱртӱс», «Спорт»,
«Мыскара».
Лудам поэзий лукым, у уверым,
А «конкурс» манме мом шога!
Марий чонан марий газетна,
Лий(ы)нат кугу йолташ мылам.
Ешнан поро унаже семын
Мый тыйым йӧратем, «Чолман»!
Новости партнеров
