«Чолман» эше ик йыжыҥым вашталтыш

24 апрельыште газетлан 29 ий теме.

Илыш тошкалтыш тугай: шӱртнет гынат, кыртмен кӱзыман, уке гын ӱлыкӧ шуҥгалташ лиеш. Газетнат тыгай пӱрымаш дене ила. Но ме чакнаш огына шоно. Логотип ӱмбалне савыктыме ӱжмаш («Келшымаш да калык пиал верч!») яра муткылдыш семын шочын огыл, 29 ий мемнам леве юж дене вӱчкымӧ гай ончык ошкылаш кумылаҥден. Но тачысе илышыште ме тудым «Огына чакне» умылымаш дене кылдена.

Тиде кок шомакым лудшына, нештатный авторна, туныктымо пашан ветеранже, газет дене шочмыж годсек кылым кучышо Дмитрий Яметов темлыш. Тыгай шӱлыш денак ошкылына. Вес шошым «Чолманлан» кумло ий темеш. Ала иктаж-кӧ «Чолманын» тичмаш подшивкыжым арален коден? Улыт мо тыгай лудшына-влак? Конкурсым кызытак увертараш огына шоно, но газетын йыргешке лӱмгечыже лишемме идалыкыште мом-гынат оҥайым тарваташ уто ок лий. А кызытеш тыге ыштена: кумло ияш йыжыҥжым данлын вашлийме кумыл дене кокымшо пелийлан рӱжге возалтына (Квитанций пытартыш лаштыкыште.). Редакций кеч-могай виян ынже лий, но газет лудшылан кӧра ила. А лудшо - тиде мемнан марий-влак. Газетна лач нунылан лектеш. Теве кузе возен икымше марий шанчызе Валериан Васильев-™пымарий: «…Еҥ йылмыште чон коеш, шонымыжат, йӱлажат… Йылме пыта - еҥ пыта…». Мемнан порысна - лумлӧ землякнам шарнен илаш гына огыл, а тудын пашажым шуяш, шонымашыжым шукташ.

Газетын шочмо кечыж дене саламлымашым колтышо лудшына да йолташна-влаклан (Интернет лаштыкла гоч да электрон почтыш поро тыланымаш ятыр толын ыле.) редакций пеш кугу таум каласа.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».