Йырым-ваш «кечыйол» пеледеш

Тыгай сылне пагыт шошым гына лиеш: кечывалым йырым-йыр «кечыйол» пеледыш пеледеш, йӱдым да пылан годым лышташлажым чумырен шында. Ик жап гыч тудо ош пун ораш савырна да нӧшмылажым юж толкын дене йырым-йыр чоҥештарен колта.

Сад-пакча оза-влак ты пеледыш нерген «Чыла вере пошеныс» маныт да йыраҥышт гыч куклен лукташ тыршат. А южо еҥ вашкерак пеледыш вуйым поген шуктынеже: вареньым шолта, чайлан кошта, эмым ямдыла… А те шӧршудо вареньым але чайым тамлен онченда?