Все новости
ФОТООНЧАЛТЫШ
19 Ага 2021, 11:58

ШОЧМО ВЕР - ШӱМ-ЧОН ПОЯНЛЫК

Кас ӱжара. Инак сер воктенсе алан. Кӱшыч, телым ечыгорно шуйнен вочмо курык гыч тыге коеш. Спортсмен-влаклан пеш палыме сӱрет. Тыгай татым кучаш да войзен шукташ фотохудожниклан сонарзе гай мыняр жапым йомдарен кычал коштман гын?

Вет тудым нимогай чия дене сӱретлаш огеш лий, пӱртӱс веле пӧлеклен кертеш… Мыняр минутлан? Але секунд дене висыман? А вара трук йомеш… Тиде - чон шижме тат. Тидлан сӱретче лияш ок кӱл. Теве айдеме, тӱрлӧ сомыл деч ярсен, кас юж дене теҥгечысе… уке, шуко гана молгунамсе гаяк курык серысе пӱнчер лоҥгаште шке корныж дене куржтал савырнымыж годым кече шичме помышышто ончыч уждымо, нимо дене таҥастарен кертдыме мотор деч мотор, эҥыж вӱд дене чывылтыме гай кас ӱжарам вашлийын… Фотосӱретче семын кычалынат, лӱмын вученат шоген огыл. Тиде - Юмын колтымо тат. А ӱлнӧ - пешак палыме вер: Паралимпийский рӱдер, ужар аланысе стадион…
Читайте нас: