Пилотдымо войскан у лӱман батальонжо

«Мемнан рвезе-влак коклаште пилотдымо система войскаште служитлаш шонышо-влак ятыр улыт - тиде Вооруженный Вийын элитыже, мемнан армийын ончыкылыкшо тудын кидыште. Башкир батальон-влакым чумырымо практика ончыкта: тыге полышна утларак пайдале лиеш. Ме доброволецна-влаклан боевой задачым шукташ мо кӱлмым эре намиен шогена. Рвезе-влакын ик кундем гыч улмым шижмыштат моткоч шерге - тудо мӧҥгӧ деч тораште пырля чумырен да полшен шога», - возен регион вуйлатыше шке соцкыллаштыже.

Республикыште СВО тӱҥалме икымше кечыла гычак лӱман подразделений-влакым чумыраш тӱҥалыныт. Кызыт 18 тыгай подразделений уло. Земляк-влак пелен тушман дене кредалашат куштылгырак!

Пилотдымо система служба начальникын пашажым жаплан шуктышо, Российын Геройжо капитан Тельман Уралбаев «Башинформ» увер агентствылан рвезе-влакын у сомыллан кум тылзе тунеммышт, а южгодым ик арняштат чыла пален нален кертмышт нерген каласкален. «Мемнан инструкторна-влак кугу опытан улыт, результатыш шуын моштат. Тидыже, мутат уке, контрактник деч шкеж деч да тудын могай амал дене фронтыш кайымыж дечат шога. Мый БПЛА операторлан 18-30 ияш военнослужащий-влакым погем. 35 ияш деч кугурак боец-влак пилотдымо система войскаште кӱлешан вес специальностьлан: расчет операторлан, саперлан, водительлан да молылан - тунемыт», - манын Тельман Уралбаев.

Башкортостан вуйлатышын Росгвардий дене кылым кучымо шотышто советникше Артур Юмагужинын мутшо почеш, кумылан еҥ-влак икмыняр йодмашлан келшен толшаш улыт.

Ийгот: 35 ий деч кугу лийшаш огыл.

IТ-компетенций информаций технологий сферыште базовый шинчымаш лийшаш.

Физический ямдылалтмаш: служитлаш йӧрышӧ «А» категорий (тичмашнек таза).

Судитлалтше лийшаш огыл.

У подразделенийыш ушнышо-влак да ешышт федеральный да республикысе льгот-влак дене пайдаланен кертыт. 

Пилотдымо система войскаште 

служитлымын вич ойыртемже

Служитлаш лӱдыкшыдымырак, молан манаш гын боевой соприкосновений линий деч тораштырак лийыт.

Контрактым ик ийлан але фиксированный вес сроклан ыштат. Жапше шумек, уволитлалташ але у контрактым ышташ лиеш.

Контрактыште возымо: военнослужащийым тудын келшымыж деч посна БПЛА-м виктарыме дене кылдалтдыме вес специальностьыш кусараш але вес тӱрлӧ войскаш колташ ок лий.

Моло салтак-влаклан палемдыме гаяк выплата, льгот да социальный гарантий деч посна ешартыш-влакат улыт. Студент-влак контрактым ыштен, академический отпускым налын, а службышт деч вара, вер уло гын, бюджет верыште тунемаш тӱҥал кертыт.

Эффективностьлан тӱлат. Противникын сар куралжым шалатымылан 50000 гыч 500000 теҥге марте ешарен тӱлышаш улыт.

Лӱддымӧ летчик

Чылаже 154 еҥ кок гана Совет Ушемын Геройжо лӱмым сулен, нунын кокла гыч иктыже - мемнан землякна, легендарный военный летчик-штурмовик, Сталинградым, Донбассым, Крымым, Белорус да Литва ССР-влакым, Польшым, Эрвел Пруссийым утарыме верч кредалше Муса Гареев.

Белебей уездысе (кызыт - Илиш район) Илякшиде изи ялыште илыше рвезылан пеш чот паровоз-влак келшеныт, садланак школ деч вара, ача-аважлан ойлыде, Уфашке кӱртньыгорно техникумыш тунемаш каен. 1937 ийыште, Йӱдвел полюс гоч США-ш чоҥештыше Валерий Чкаловын, Георгий Байдуковын, Александр Беляковын лӱмышт уло тӱнялан палыме лиймек, мутат уке, Муса аэроклубыш возалтын.

1942 ийыште фронтыш логалмек, икымше боевой чоҥештылмаштак тушманын лу техникыжым, ятыр салтак ден офицержым пытарен. Чылан Муса Гареевын лӱддымӧ, чолга да пиалан улмыж нерген ойленыт. 250 боевой чоҥештылмаш годым шӱдӧ дене тушманын укрепленийжым шалатен, но шкеже ик ганат сусырген огыл!

«Сусыргымо деч Юмо арален. Ик гана гына парняже удыралалтын. Тудым мыйын йӧратымашемат арален», - ойлен фронтыштак тудлан марлан лекше медшӱжар Галина Мигунова. 

Кокымшо аралыше суксыжлан стрелок, напарникше да ӱшанле йолташыже Александр Кирьяновым шотлаш лиеш. Статистика почеш колышо ик летчиклан шым колышо стрелок логалын, а Муса Гареев сар мучко ик стрелок денак чоҥештылын.

1945 ий май тылзыште Муса Гайсинович Гареевлан Совет Ушем Геройын кок Шӧртньӧ Шӱдыржым кучыктеныт. Ту марте элнан историйыштыже икганаште кок «Шӧртньӧ Шӱдыр» медальым налше лийын огыл. 

У подразделенийыш ушнынеда гын, тыгай адрес дене мийыман: Уфа ола, Октябрь революций урем, 3. Ойырен налме да службын условийже нерген рашынрак батальонын штабыштыже +79959486541 телефон дене 9 гыч 18 шагат марте умыландарат.